भांगरभूंय | प्रतिनिधी
पणजी : सर्वोच्च न्यायालयाच्या आदेशा प्रमाण आमदार मायकल लोबो हांच्या नाझरी रिसॉर्टच्या अनधिकृत बांधकामाचो कांय भाग आयज मंगळारा उडयलो. न्यायालयाच्या निर्देशां प्रमाण रिसॉर्टचो नेम मोडून बांदिल्लो कांय भाग मंगळार सकाळ सावन मातयेभरवण करपाक सुरवात केली.
सर्वोच्च न्यायालयान ह्यान पयलीं दिल्ल्या आदेशां प्रमाण संबंदीत बांदकाम पर्यावरणीय आनी बांधकाम नेम मोडून उबारिल्ल्याचें नमूद केल्लें.
नाझरी रिसॉर्ट प्रकरण फाटल्या कांय वर्सां सावन चर्चेंत आसा, ते विशीं विवीध पांवड्यार कायदेशीर लढाय सुरू आशिल्ली. सर्वोच्च न्यायालयाच्या निमाण्या निर्देशां उपरांंत कारवायेची अंमलबजावणी सुरू केली. हे कारवायेक लागून राज्यांतल्या दर्यादेग वाठारांतल्या अनधिकृत बांधकामां आडचे मोहिमेक आनीक गती मेळपाची शक्यताय उक्तायल्या.
मजगतीं, कारवायेचे फाटभूंयेर थळावे आनी पर्यावरण मोगी संघटणांनी न्यायालयाच्या निर्णयाक येवकार दिला. पर्यावरण संवर्धन आनी नियोजनबद्ध उदरगती खातीर अश्योा कारवायो गरजेच्यो आशिल्ल्याचें मत उक्तायलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
