भांगरभूंय | प्रतिनिधी
पणजी : आवक उणी आशिल्ल्यान पणजी बाजारांत विवीध भाजयांच्या दर वाडतूच आसा. सोमारा पणजी बाजारांत वालपापडी दर २४० रुपया किलो आशिल्लें. तमाटाचें दर ६० रुपया किलो, लिंबू १० रुपयांक एक अशे विकताले. भेंडे १०० रुपया किलो आशिल्ले. जाल्यार लसूण आकारा प्रमाण ४०० ते ५०० रुपया किलो आशिल्लें. कोथमिरीची जुडी ३० रुपयांक आशिल्ली. फुडले कांय दीस भाजयांचें दर चडिल्लें उरपाची शक्यताय आसा.
बाजारांत बटाट ५० रुपयांनी किलो जाल्यार कांदो ४० रुपया किलो आशिल्लो. गवार, गाजर, कारातीं, घोसाळीं दरेकी ८० रुपया किलो दरान विकताले. वांयगीं आनी तवशें दरेकी ६० रुपयांनी किलो आशिल्लीं. व्हडलीं वायंगीं ८० रुपयांनी किलो आशिल्लीं. कोबी ४० रुपया किलो जाल्यार फ्लॉवर ५० रुपयांनी दर गड्डो आशिल्लो. तशेंच पुदिना १५ रूपयांनी आशिल्लें. आलें दर्जा प्रमाण २५० ते ३०० रुपया किलो आशिल्लेंे. मिरसांग ८० रुपायांनी जाल्यार ढब्बू मिरची १२० रुपया किलो आशिल्ली.
बाजारात मानकुराद आंबो आकारा प्रमाण २०० ते ३०० रुपया डझन ह्या दरांत विकताले. सेंदुला आंबो १५० रुपया, मांगीलाल आंबो ३०० रुपया डझन आशिल्लो. जांबळां २०० रुपयांक १०० नग विकताले.
फलोत्पादन मंडळाच्या गाड्यांचेर कांदो २६ रु., तमाट ५० रु. जाल्यार बटाट २६ रुपया किलो आशिल्लो. जाल्यार भेंडे ३२ रु., कोबी ३४ रू., गाजर ४३ रू., वाल पापडी ९५ रू., मिरसांग ४८ रुपया किलो विकताले. शेंगो ८९ रू., आलें १७५ रु., लसूण २६३ रु. किलो आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
