भांगरभूंय | प्रतिनिधी
नाराजे विशी अमीत पाटकार, विरियातो कडेन जातली बसका
पणजी : डिसेंबरात जाल्ले जिल्हो पंचायत वेंचणुके पयलींच गोंयचो प्रदेश अध्यक्ष बदलपाचो निर्णय जाल्लो. गोंंयांंतल्या मुखेल फुडाऱ्यांंक हाची कल्पना आसली. बंंगळूरा राष्ट्रीय अध्यक्ष मल्लीकार्जुन खर्गे हांंचे कडेन हे विशी चर्चा जाल्ली. आता हांंव अमीत पाटकार, विरीयातो फर्नांडिस हांंचे कडेन बसका घेवन चर्चा करतलो. जर कोण नाराज आसा, जाल्यार तांंची नाराजी पयस करपाक येस येतलेंं, अशेंं प्रभारी माणिकराव ठाकरे हांंणी सांंगलें.
अमीत पाटकार हांकां काडून गिरीश चोडणकर हांंची प्रदेश अध्यक्षपदाचेर नेमणूक जाले उपरांत काँग्रेसींत राजीनाम्याचे सत्र सुरू जालांं. दक्षीण गोंंयचे खासदार विरियातो फर्नांडिस हांंणी विस्वासात घेवंक नाशिल्ल्याचे सांंगून तीडक उक्तायला. हे भायर मनिषा उसगांवकार, रणजितसिंह राणे, दिवचल गटाचे अध्यक्ष दत्ताराम शेट्ये हांंणी राजीनामे दिल्या. राजीनामे दिवप सुरूच आसताना नाराजांंची समजूत पक्ष काडटलो, अशें ठाकरे हांंणी सांंगलें.
जिल्हाे पंंचायत वेंचणुकेपयली बंंगळूरू हांंगा बऱ्याच जाणांंनी राष्ट्रीय अध्यक्ष मल्लिकार्जुन खर्गे हांंची भेट घेतिल्ली. हे वेळार अध्यक्षांंन जिल्हो पंंचायत वेंचणुके उपरान अध्यक्षपदात बदल जातलो, अशें संकेत दिल्ले. ते प्रमाण आता आदेश जारी जाला. हो हायकमांंडान घेतिल्लो निर्णय आसा. हांंव दोन दिसांंनी गोंंयांत येतलो. विरियातो फर्नांडिस, अमीत पाटकार तशेच हेरांंकडेन बसका जातली. निर्णय जाहीर करचे पयली खासदार विरियाता फर्नांडिस हांंका कल्पना दिवंंक ना. मात पक्षात सगळ्यांंक ह्या निर्णयाची खबर आशिल्ली, अशेंं ठाकरे हांंणी सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
