भांगरभूंय | प्रतिनिधी
जोधपूर: आसारामान जोधपूर सेंट्रल जेलींत आत्मसमर्पण केलें. राजस्थान उच्च न्यायालयाच्या निर्णया उपरांत बिरेस्तारा तो जोधपूर पावलो. दनपरां २:५० वरांचेर आसाराम येवपाची खबर आयले बरोबर जोधपूर विमानतळार ताच्या समर्थकांची गर्दी केली. आसारामान आपल्या समर्थकांक गाडयेंतल्यान आशिर्वाद दिलो.
विमानतळा वयल्यान आसाराम सरळ पाल गांवांतल्या आश्रमांत गेलो. थंयच्यान तो एम्सांत गेलो, तांणी तपासणी करून घेतली आनी सांजवेळा सुमार ५ वरांचेर सेंट्रल जेलींत आत्मसमर्पण केलें.
बुधवारा जोधपूर उच्च न्यायालयाच्या मुखेल खंडपीठान नेण्ट्या चलयांचेर बलात्कार प्ररणांत आसारामची जन्मठेपेची शिक्षा कायम दवरून ताचो अंतरीम जामीन रद्द केल्लो. रोखडोच अटक वॉरंट जारी करपाच्या न्यायालयाच्या आदेशा उपरांत, आसाराम बुधवारा रातीं उसरां हरिद्वाराच्यान दिल्लीक गेलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
