भांगरभूंय | प्रतिनिधी
ढाका: डोनाल्ड ट्रम्प ह्या नांवान फामाद आशिल्ल्या धव्या रेडाचो बळी बांगलादेशांत ईदा खातीर आडयलो. हो रेडो २३ मे दिसा बळी दिवपा खातीर ३.८५ लाख टकांनी (सुमार ३ लाख रुपया) विकिल्लो.
ह्या रेड्याचो सांबाळ राजधानी ढाका लागसार नारायणगंजांतल्या राबेया एग्रो फार्मांत जालो. ह्या ७०० किलो रेड्याचो दर किलो ५५० टका थारायलो, अशें शेताचे धनी जिया उद्दीन मैरदा हांणी सांगलें.
ह्या धव्या रेड्याची लोकप्रियता वाडली तेन्ना सरकाराचें आनी प्रशासनाचेंय लक्ष ताचेर आयलें. हाचे उपरांत बांगलादेशाच्या गृह मंत्रालयान बिरेस्तारा रेडाक वाटयलो आनी ढाकाच्या राष्ट्रीय जनावरां संग्रहालयांत धाडात अशें जाहीर केलें.
गृहमंत्री सलाहुद्दीन अहमद हांणी ह्या जनावराक सुरक्षीत दवरपाचो आदेश अधिकार्यांक दिला. बळी खातीर हो रेडा विकतो घेतिल्ल्या मनशाक पुराय रक्कम परत करची अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
