भांगरभूंय | प्रतिनिधी
पणजी : काळजाच्या आताकान मंगळारा फांतोडेर मरण आयिल्ल्या फादर बोलमॅक्साचे कुडीचेर आयज दनपरां गोंय वैजकी म्हाविद्यालय हॉस्पिटलांत पोस्टमॉर्टेम जालें. ताका लागून फादर बोलमॅक्साचें दुयेंस तशेंच मरणाचें कारण कळपाक मजत जातली.
पर्यावरण चळवळींतले वावुरपी फादर बोलमॅक्स हांचे कुडीचेर फाल्यां २८ मेक केप्यांचे होली क्रॉस चर्चींत दनपरां ३ वरांचेर निमणे संस्कार जातले. ताचे पयलीं तांची कूड चिखले आनी तांच्या केपेंच्या घरा निमण्या दर्शना खातीर दवरतले.
भलायकी इबाडिल्ल्यान गोंय वैजकी म्हाविद्यालय हॉस्पिटलांत फादर बोलमॅक्स परेरा हांकां उपचारा खातीर शेनवारा दाखल केल्ले. दोतोरांच्या पंगडान तांचेर बरे उपचार केले, पूण कांय जाणांनी उपचाराचे पद्दतीचेर दुबाव उक्तायिल्लो. पोस्टमॉर्टेम अहवाला उपरांत हे दुबाव पयस जावपाक मजत जातली. इतले मजगतीं राजकी, सामाजीक मळावेल्या मानेस्तांची तांच्या मरणा विशीं दुख्ख उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
