भांगरभूंय | प्रतिनिधी
पणजी : पैठण-साल्वादोर द मुंद, पर्वरे घरच्या वादांतल्यान एकल्याचेर सुरी हल्लो जालो. ह्या हल्ल्यांत बाबलो गडकार (४८) गंभीर जखमी जालो. ताका बांबोळे गोमेकॉंत दाखल केला. ह्या प्रकरणांत पर्वरी पुलिसांनी रोहीत धुमाळे (वझरी, पेडणें) हाका अटक केल्या.
हे विशीं मेळिल्ले म्हायती प्रमाण, घरांतल्या बारीक वादांतल्यान हो प्रकार घडिल्ल्याचें सांगतात. हे घडणुके उपरांत ह्या वाठारांत कांय काळ ताणाचें वातावरण निर्माण जालें.
ह्या प्रकरणांत पर्वरी पुलिसांनी बेगोबेग कारवाय करून रोहीत धुमाळे हाका अटक केली. फुडलो तपास पुलीस करतात.
बाबलो गडकार कदंबा येरादारी महामंडळांत चालक म्हणून नोकरी करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
