भांगरभूंय | प्रतिनिधी
३,४६५ गांवच्या लोकांक १ लाख रुपयांचें सुरक्षा कवच
नांदेड : नांदेड जिल्ह्यांतल्या बहादरपुरा गांवच्या एका कुटुंबान आपल्या पुताच्या लग्नांत पुराय गांवाक सुरक्षेचें खाशेलें अशें ’रिटर्न गिफ्ट’ दिलें. लग्नाच्या निमतान ह्या कुटुंबान गांवांतल्या दरेका नागरिकांचो अपघात विमो केला. हाका लागून वट्ट ३,४६५ गांवच्या लोकांक १ लाख रुपयांचें सुरक्षा कवच मेळ्ळां.
बहादरपुराच्या सिद्धेश्वर पेठकर हांचें लग्न २० मेक जालें. हो उमेदीचो खीण कुटुंबा पुरतो दवरिनासतना गांवच्या लोकां खातीर फायद्याचो थारचो असो विचार सिद्धेश्वर आनी तांचे व्हडले भाव अनुप पेठकार हांणी केलो. गांवगिर्या भागांत सोरोप चावप, वीज पडप वा शेतकामा वेळार खुबश्या जाणांक मरण येता. हाका लागून गरीब कुटुंबाचें व्हड प्रमाणांत लुकसाण जाता. हीच गरज वळखून पेठकर कुटुंबान गांवकर्यांचो विमो करपाचो निर्णय घेतलो.
हो उप्रकम पद्धती प्रमाण पुराय करपा खातीर पेठकर कुटुंबान ग्रामपंचायतीच्या नांवार एक सामुहीक अपघात पॉलिसी खरेदी केली. हे खातीर गांवच्या मतदार वळेरेचो वापर केलो. जाणा लागून गांवचो कोणूच हे येवजणे पसून सुटचो न्हय. हाचे खाला पुराय गांवची मेळून वट्ट ३३.६ कोटी रुपयांची विमो रक्कम सुरक्षीत केली. ही पॉलिसी फुडल्या एका वर्सा खातीर लागून उरतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
