भांगरभूंय | प्रतिनिधी
पणजी : मडगांवच्यान कुंकळ्ळ्यां वेगान वचपी ‘थार’ वाहनान एके बायलेक नेटान धपको दिलो. हातूंत ती गंभीर जखमी जाली. अपघाता उपरांत वाहनचालक वाहन घेवन अपघात सुवाते वयल्यान पळून गेलो.
अपघाता उपरांत जखमी बायलेक बेगोबेग उपचारा खातीर गोंय वैजकी महाविद्यालय हॉस्पिटलांत दाखल केली. तिची भलायकी हुस्न्याची आशिल्ल्याची म्हायती गोमेकॉंतल्यान मेळ्ळी.
मजगतीं, मडगांव पुलिसांनी घडणुके सुवाते पंचनामो करून ह्या हिट-अँड-रन प्रकरणाचो तपास सुरू केलो. फरारी चालकाचो सोद घेवपा खातीर पुलिसां वतीन विवीध सुवातांचेर तपास मोहीम राबयतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
