भांगरभूंय | प्रतिनिधी
पणजी : केपेंच्या मळकर्णे पंचायत वाठारांत ४.५ मिटर लांबायेचो विखारी किंग कोब्रा धरलो. थळाव्यांनी एकठांय येवन हो सोरोप धरलो. मागीर ताका अटंग्या रानांत सोडलो, अशी म्हायती ग्रामस्थांनी दिली.
हो किंग कोब्रा व्हड आकाराचो आशिल्ल्यान नागरिकांमदीं कांय काळ भंयाचें वातावरण निर्माण जालें. सोरोप इश्टांनी वावड्यांचेर लक्ष दिवं नाकात. रानजिवांचेर सुरक्षीत अंतर दवरचें अशें सांगलें.
मजगतीं, किंग कोब्रा कोणें तरी प्राणीमित्रान धरून ह्या वाठारांत सोडिल्ल्याचो दुबाव थळाव्यांनी उक्तायला. धरिल्ले किंग कोब्रा, सोरोप लोकांचे वसणुके कडल्यान पयस सुरक्षीत सुवातेर सोडपा विशीं रान खात्यान प्राणीमित्रां मदीं जागृताय करची, अशी मागणी थळाव्यांनी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
