भांगरभूंय | प्रतिनिधी
पणजी : फादर बोल्मेक्स परेरा हांकां गोंय वैजकी महाविद्यालयांत बरे उपचार मेळचे खातीर राज्य सरकार सगळे तरेन यत्न करता, अशी म्हायती भलायकी मंत्र्यान दिली. फादराचे भलायके विशीं हांवें स्वता गोमेकॉचे डॉ. गुरुप्रसाद नायक तशेंच तज्ञ दोतोरां कडेन चर्चा केल्या. गरजेच्यो सगल्यो वैजकी सुविधा उपलब्ध करून दिवपाच्यो सुचवण्यो दिल्ल्याचेंय तांणी स्पश्ट केलें.
उपचारांत कसलेच तरेचो उणाव उरूंक जायना, हाका लागून भलायकी विभाग लक्ष दवरून आशिल्ल्याचें भलायकी मंत्री राणे हांणी म्हणलें. फादर परेरा हांचे भलायकेंत बेगीन सुदारणा जावची, अशें तांणी मुखार म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
