भांगरभूंय | प्रतिनिधी
पणजी : मुख्यमंत्री डॉ. प्रमोद सावंत आनी प्रदेश भाजप अध्यक्ष दामू नायक हांचे दिल्ली भेटेक लागून मंत्रिमंडळ फेरबदल तशेंच येवपी विधानसभा विंचणुके विशीं विवीध तरेच्यो चर्चा रंगल्यात. मुख्यमंत्री आनी प्रदेश अध्यक्ष दिल्लीक राष्ट्रीय अध्यक्ष नितीन नबीन हांची भेट घेवन विवीध विशयांचेर चर्चा करतले. मुख्यमंत्री आनी प्रदेश अध्यक्ष शेनवारा दिल्लीक गेले. आयतारा दनपार मेरेनचे भेटीची कसलीच म्हायती मेळूंक ना.
मात दोगांच्याय अचकीत दिल्ली भेटीक लागून मंत्रिमंडळ फेरबदला विशीं उत्सुकुताय निर्माण जाल्या. आदले मुख्यमंत्री रवी नायक हांच्या मरणाक लागून मंत्रिमंडळांतली एक सुवात रिती जाल्या. फोंडें पोटवेंचणुके उपरांत सुवात भरतले, अशी अपेक्षा आशिल्ली. मात उच्च न्यायालयान फोंडें पोटवेंचणूक रद्द केल्ल्यान मंत्रिमंडळांतले एके सुवाते सयत फोंडेंचे आमदार पदूय रितें उरलें. मंत्रिमंडळांतली ही रिती सुवात केन्ना भरतले? मंत्रिपदार कोणाक बसयतले, हाची उत्सुकताय दिल्ली भेटीक लागून वाडल्या. मंत्रिमंडळांत एकाय बायलां आमदाराक मंत्रिपद दिवंक ना. हे फाटभूंयेर आमदार दिलायला लोबो हांच्या मंत्रिमंडळ आसपावाची चर्चा आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
