भांगरभूंय | प्रतिनिधी
पेडणें: पर्यटनाचे नदरेन म्हत्व आशिल्ल्या गोंय राज्यांत कोयर वेवस्थापन हो गंभीर प्रस्न जाला. विवीध खात्यां वतीन दर वर्सा सुमार ६०० कोटी रुपयां परस चड खर्च करूनय खुबश्या सुवातांचेर कोयर आनी सोर्याच्या बाटल्यांच्यो कंवच्यो दिसतात. ही समस्या पयस करपा खातीर डिपॉझिट रिफंड स्किम (डीआरएस) लागू करप ही काळाची गरज, अशें मत मुख्यमंत्री डॉ. प्रमोद सावंत हांणी विधानसभेंत उक्तायल्लेंे.
आतां हो उपक्रम दयारदेग वाठारांनी, पंचायत कार्यालयांत सुरू जाला. विवीध सुवातांचेर डीआरएस मशिनां बसयिल्ल्यान आयज मोरजे पंचायतींत हें मशीन बसयलें.
ह्या वेळार सरपंच विलास मोरजे हांणी सांगलें, ह्या डीआरएस च्या मशीनाक लागून कोयर समस्येचेर तोडगो काडूं येता. तशेंच पर्यटक जाय थंय कोयर उडोवचे न्हय म्हूण प्रधानमंत्री नरेंद्र मोदी आनी मुख्यमंत्री डॉ. प्रमोद सावंत हांणी आयज अशे उपक्रम राबोवन नितळ गोंय करपाचो यत्न केल्ल्यान तांकां परबीं. लोकांनी हाका सहकार्य करचें अशेंय तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
