भांगरभूंय | प्रतिनिधी
पणजी : गोंयांत काल आनी आयज खुबश्या वाठारांनी पावस पडलो. ह्या पावसाक लागून खांडेपारच्या गोवा विद्या प्रसारक मंडळाच्या मातोश्री इंदिराबाई बाबूराव खांडेपारकर शाळेची राखणे वणट कोसळ्ळी. ही घडणूक रातची घडिल्ल्यान कोणाक कांय जावंक ना. मात ही राखणे वणट कोसळिल्ल्यान शाळेच्या मैदानाचें आनी वाठाराचें लुकसाण जालें.
हे घडणुके उपरांत थळाव्यांनी तिडक उक्तायल्या आनी प्रशासनाच्या कामाचेर प्रस्न केला. योग्य गटार वेवस्था नासप आनी उदक वचनाशिल्ल्यान तें सांठून वणट जाम पडली आनी कोसळ्ळी, असो आरोप थळाव्यांनी उक्तायला. मे म्हयन्याची २४ तारीख जाली तरी पंचायतीन कसलीच मान्सूनपूर्व कामां वेळार सुरू करूंक नाशिल्ल्यान ही परिस्थिती आयिल्ल्याचें नागरिकांनी म्हणलें. रस्त्या कुशीक आशिल्ले नितळसाण करूंक नाशिल्ल्यान उदक सांचता, तशेंच खुबशे वीज खांबेय धोको निर्माण करतात. पावस पुरायेन सुरू जावचे पयलीं सरकारान हे समस्ये कडेन खरपणान लक्ष दिवन बेगोबेग ड्रेनेज दुरुस्ती आनी सुरक्षेच्यो उपाय येवजण्यो करच्यो, अशी मागणी ग्रामस्थांनी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
