भांगरभूंय | प्रतिनिधी
पणजी: भलायकी मंत्री विश्वजीत राणे हांणी मुख्यमंत्री डॉ. प्रमोद सावंत हांकां जादुगार म्हणीत गोंयांत २२ हजार सरकारी नोकर्यो निर्माण करपाचें विधान केल्ले खातीर कॉंग्रेसीन भाजप सरकाराचेर नेटान टिका केली.
कॉंग्रेस पदाधिकारी अमरनाथ पणजीकार हांणी सांगलें, हें विधानूच भाजप सरकाराचें अपेस, असहाय्यता आनी दिवाळखोरी उक्तडार हाडपी आसा. जेन्ना सरकारा कडेन दाखोवपा खातीर कामगिरी नासता, बेरोजगार तरणाट्यांक जाप नासता आनी जनते मुखार मांडपाक खर अहवाल नासता, तेन्ना ते जादू, भ्रम आनी राजकीय कल्पनारंजन विकपाक लागतात, अशें तांणी म्हणलें.
गोंयचे हजारांनी सुशिक्षीत तरणाटे बेरोजगारी, कंत्राटी नोकर्यो, स्थलांतर आनी निरशेवणेक तोंड दितात. कांय मेजक्याच लोकाकंक राजकीय आलाशिरो आनी लाव मेळिल्ल्याचो आरोप तांणी केला.
गोंयचे जनतेन सरकार निवडलां तें प्रशासन चलोवपा खातीर, जादुचे प्रयोग दाखोवपा खातीर न्हय, अशें तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
