भांगरभूंय | प्रतिनिधी
पणजी : कुडणें-चिकणें, सांखळेची शैला घाडी हांकां मारपेट करून खून केल्ल्याच्या आरोपा खाला फरारी आशिल्लो दुबावीत सागर रावळ हाका महाराष्ट्रांत अटक करून गोंयांत हाडलो. काल ताका महाराष्ट्रांत अटक केल्ली. आयज सकाळीं पुलीस ताका घेवन गोंयांत पावले.
पुलिसांनी दिल्ले म्हायती प्रमाण, शैला घाडीचो खून करून दुबावीत सागर रावळ फरारी जाल्लो. पुलिसांनी विवीध सुवातांचेर सोद मोहीम राबोवन ताका महाराष्ट्रांत धारलो. उपरांत ताका ताब्यांत घेवन गोंयांत हाडलो.
ह्या खून प्रकरणांतलें नेमकें कारण, घडणुके फाटली फाटभूंय आनी हेर संबंदीत गजालींचो पुलिसां कडल्यान खोलायेन तपास करपाक सुरवात केल्या. सध्या आरोपीची चवकशी सुरू आसा. हे घडणुकेक लागून कुडण्यां वाठारांत बोवाळ निर्माण जाला. पुलीस हे विशीं खोलायेन तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
