भांगरभूंय | प्रतिनिधी
खबरां संस्था
नवी दिल्ली : डिजिटल संघटना कॉकरोच पार्टीचें (सीजीपी) एक्स (X) अकावंट बिरेस्तारा ब्लॉक केलें. ते उपरांत रोखडेंच संघटनेन नवो अकावंट तयार केलो. ताचें नांव ‘कॉकरोच इज बॅक’ अशें दवरलां आनी बायेंत ‘जल्ले मरनात’ अशें बरयलां.
नव्या अकावंटा वयल्यान पयली पोस्ट बिरेस्तारा दनपारां 2.29 वरांचेर केली. सांजेच्या 7 वरां मेरेन ह्या अकावंटाचे 50 हजारां परस अदीक फॉलोअर्स जाल्ले. सरन्यायाधीश सूर्यकांत हांच्या ‘जल्लो’ विधानाचो निशेध करपा खातीर स्थापन जाल्ल्या ह्या पक्षाच्या आदींच्या एक्स अकावंटाचेर 1,93,00 परस अदीक फॉलोअर्स जाल्ले. मजगतीं, सांजेच्या 7 वरां मेरेन सीजीपीच्या इन्स्टाग्राम अकावंटाचेर 1 कोटी 60 लाखां परस अदीक फॉलोअर्स आशिल्ले, जे देशांतल्या हेर खंयच्याय राजकी पक्षा परस चड आसात. संस्थापक अभिजीत दीपके हांणी आपलो इन्साटाग्राम अकावंट हॅक करपाचो यत्न जाल्ल्याचौ आरोप केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
