भांगरभूंय | प्रतिनिधी
पणजी : मांद्रेंच्या स्टोन वूड रिसॉर्टांतले कुडींतल्यान एके पर्यटक बायलेच्यो भांगरा वस्ती चोरल्यो. ह्या प्रकरणांत मांद्रें पुलिसांनी अनवळख्या चोरा आड गुन्यांव नोंद केला. पर्यटक बायलेन कुडींत दवरिल्ल्या बॅगांतल्यान भांगरा वस्ती चोरिल्ल्याची कागाळ केल्ली.
हे विशीं पुलिसांनी दिल्ले म्हायती प्रमाण, ग्रेटर नोएडा हांगचे सुनीता कपूर हांणी वयली कागाळ दाखल केल्ली. ११ ते १२ मे २०२६ मजगतीं तीं मांद्रेंच्या स्टोन वूड रिसॉर्टच्या रूम नंबर २८त राविल्ली. ह्या वेळार चोरांनी तिचे कुडींत प्रवेश करून सुटकेसींत दवरिल्लीं तिचे सर्गेस्त आवयची सुमार ३४.९९२ ग्रॅम वजनाची भांगराची कर्णफुलां चोरून व्हेलीं.
ही घडणूक १९ मेक रातची उसरां उक्तडार आयले उपरांत मांद्रें पुलीस स्टेशनांत गुन्यांव नोंद केलो. फुडलो तपास वरिश्टांच्या मार्गदर्शना खाला पुलीस उपनिरीक्षक लक्ष्मण देसाय करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
