भांगरभूंय | प्रतिनिधी
पणजी : ई-पोर्टला वरवीं जावपी बेकायदेशीर वखदां विक्रेच्या निशेदान जाल्ल्या देशव्यापी फार्मसी आनी वखदांलयांच्या बंदाक गोंयांत बरो प्रतिसाद मेळ्ळो. राज्यांतल्या हॉस्पिटलांतल्यो फार्मसी आनी जन वखदांचीं केंद्रां सोडल्यार चडश्यो फार्मसी दिसभर बंद दवरल्यो.
ह्या बंदाक लागून खुबश्या वाठारांनी वखदां खरेदी करपा खातीर नागरिकांक आडखळी आयल्यो. मात, फार्मासिस्ट आनी वखदां विक्रेत्यांनी हो बंद दुयेतींचे सुरक्षितताये खातीर आनी वखदां विक्रेच्या नेमां भायल्या वेव्हाराच्या विरोधांत लढो आशिल्ल्याचें स्पश्ट केलें.
गोवा केमिस्ट ऍण्ड ड्रगिस्ट संघटनेचे सरचिटणीस प्रसाद तांबा हांणी, ऑनलाायन पद्धतीन जावपी वखदां विक्री ही भलायकेचे नदरेन समाजा खातीर घातकी आसा. दोतोरांच्या सल्ल्या बगर वखदां सहज उपलब्ध जाल्ल्यान नागरिकांचे भलायकेचेर गंभीर परिणाम जावपाक शकतात. संघटनांनी केंद्र सरकारकडेन ई-पोर्टला वरवीं जावपी बेकायदो वखदां विक्रेचेर खर कारवाय करपाची मागणी केली.
#Goa #Pharmacy #Medical #Strike #EPortal #Medicins
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
