भांगरभूंय | प्रतिनिधी
पणजी : गोंयच्या गुन्यांव फांट्यान मालीम-बेतीच्या नुस्तें मार्केट वाठारांत धडक कारवाय करून सुमार ८ लाख रुपयांचें ३९.८८ ग्रॅम हेरोयन जप्त केलें. तशेंच दोगां नेपाळी तरणाट्यांक अटक केली. अर्जुन बिश्वकर्मा (३६) आनी चेतकांत ओली (२५) अशीं अटक केल्ल्यांचीं नांवां आसात. हे दोगूय नेपाळचे. गुन्यांव फांट्याक खबर्यां कडल्यान मेळिल्ले म्हायतीवेल्यान ही कारवाय केल्या.
दुबाविता कडल्यान घुवळे वखदांचो सांठो जप्त केला. ताची बाजारांतली किंमत सुमार ८ लाख रुपया आशिल्ल्याची म्हायती गुन्यांव शाखेन दिली. ह्या प्रकरणांत दुबावितां आड घुवळे वखदां प्रतिबंधक कायद्या खाला गुन्यांव नोंद केला. ह्या रॅकेटांतल्या हेर संबंदीतांचो सोद घेवपाक पुलीस फुडलो तपास करतात.
#Betim #Drugs #HeroinDrugs #CrimeNews #BetimFishMarket #DrugStory
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
