भांगरभूंय | प्रतिनिधी
पणजी : बार्सेस म्हालांतले थियेच्या इगर्ज वाठारांत नुस्तेंमारी खातीर गेल्ल्या नरेंद्र सावंत (६०) हाची कूड सोमारा सकाळीं म्हापश्या वाठारांत एका न्हंयेंत सांपडली. नुस्तेंमारीक गेल्ले कडेन ते उदकांत बुडिल्ल्याचें आतां स्पश्ट जालां.
हे विशीं मेळिल्ले चड म्हायती प्रमाण, नरेंद्र सावंत आयतारा सांजेवेळार बार्देसांतल्या सेंट ख्रिस्तोफर चर्ची लागसारा न्हंय वाठारांत नुस्तेमारी खातीर गेल्ले. मात रातीं उसरां मेरेन ते घरा परतूंक ना. हाका लागून कुटुंबियांनी ताचो सोद घेवपाक सुरवात केली.
मजगतीं, न्हंयेच्या कांठार ताची गरी सांपडिल्ली. हाका लागून तो उदकांत बुडिल्ल्याचो दुबाव आनीक दाट जाल्लो. उपरांत सोद मोहीम राबयली. मात ते सांपडूंक नाशिल्ले. सोमारा सकाळीं ताची कूड उदकांतल्यान भायर काडली. हे घडणुकेक लागून थिवी वाठारांत दुख्ख पातळ्ळां. हे विशीं पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
