भांगरभूंय | प्रतिनिधी
वालपापडी २८०, लसूण ५०० रुपया किलो
पणजी : आवक उणी जाल्ल्यान पणजी बाजारांत विवीध भाजयांच्या दरांत वाड जाल्ली. अशा वेळार कर्नाटकांत पावस पडिल्ल्यान भाजयेची आवक आनीक उणी जावन भाजयेचे दर परत वाडलें.
सोमारा पणजी बाजारांत वालपापडी दर ३० रुपयांनी वाढून २८० रुपया किलो जालें. टमाटाचेंे दर वाडून ६० रुपया किलो जालें. लिंबू १० रुपयाक एक असो विकताले. जाल्यार भेंड्याचें दर वाडून १०० रुपया किलो जालें. फुडले कांय दीस भाजयेचें दर वाडिल्लेंच उरपाची शक्यताय आसा.
पणजी बाजारांत बटाटाचें दर १० रुपयांनी वाडून ५० रुपये किलो जालें. कोथंबिरेची जुडी ४० रुपयांक आशिल्ली. कांदो ४० रुपया किलो आशिल्लो. घोसाळीं, गाजर, काराथीं दरेकी दर ८० रुपया किलो दरान विकताले.
गवारचें दर वाडून १०० रुपया किलो जालें. वायंगीं आनी तवश्याचें दर दरेकी ६० रुपया किलो आशिल्लें. व्हडलीं वायंगीं ८० रुपया किलो आशिल्लीं. कोबी ५० रुपया किलो जाल्यार फ्लॉवर ४० रुपया एक आशिल्लो. तशेंच पुदिना १५ रू., मेथयेची जुडी १५ रुपयांक आशिल्ली. आलें २५० रुपया किलो जालें.
बाजारांत मिरसांग ८० रुपया जाल्यार डब्बू मिरची १२० रुपया किलो आशिल्ली. मानकुराद आंबो आकारा प्रमाण २०० ते ५०० रुपया डझन ह्या दरान विकताले. जाल्यार हापूस आंबो ५०० ते ८०० रुपया डझन आशिल्लो. जांबळां २०० रुपयाक १०० नग, काण्णां १०० रुपया वाटो विकताले. बाजारांत ल्हान निरपणस ३०० रुपया, जाल्यार मध्यम आकाराचो निरपणस ५०० रुपया नग ह्या दरान विकताले. फलोत्पादन मंडळाच्या गाड्यांचेर कांदो २३ रुपया, टमाट ४६ रुपया, जाल्यार बटाट २४ रुपया किलो आशिल्लो. जाल्यार भेंडे २० रुपया, कोबी २३ रुपया, गाजर ४० रुपया, वाल पापडी १५५ रुपया, मिरची ४९ रुपया किलो दरान विकताले. जाल्यार फ्लॉवर ३५ रुपयांनी आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
