भांगरभूंय | प्रतिनिधी
मडगांवः फातोड्डें कदंब बस डेपो वाठारांत शेनवारा एक अपघात जालो. सुदैवान ह्या अपघातांत कोणाक दुखापत जावंक ना.
मेळिल्ले म्हायती प्रमाण, फातोड्डेंच्या कदंब डेपोतल्यान भायर वचपी एके कदंब बशीक कुशीकच्यान वचपी मोटारीचो धपको लागलो. ह्या अपघातांत मोटार बस आनी वण्टी मदीं आडकून उरली. थळाव्यांनी दिल्ले म्हायती प्रमाण, मोटार ड्रायव्हराचे मोटारीवेले नियमत्रण सुटले आनी हो अपघात जालो. हे घडणुकेक लागून वाठारांत कांय काळ येरादारीची कोयंडी जाल्ली. दोनूय गाडयांचें किरकोळ लुकसाण जालां. फातोड्डें पुलिसांनी अपघाताचो पंचनामो केलो. पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
