भांगरभूंय | प्रतिनिधी
भांगरभूंय । प्रतिनिधी
पणजीः गोंय कला म्हाविद्यालय बी.एफ.ए. पेण्टींग आनी अप्लायड आर्ट ह्या पदवी अभ्यासक्रमा खातीर प्रवेश उक्तो केला. सगल्या गरजेच्या स्वता प्रमाणीत केल्ल्या कागदपत्रां सयत म्हाविद्यालयाचे कचेंरेंत अर्ज सादर करपाची निमाणी तारीख 25 मे 2026 मेरेन आसा.
महाविद्यालयान जारी केल्ले कळोवणे प्रमाण, बी.एफ.ए. पेण्टींग तशेंच अप्लायड आर्ट पदवी अभ्यासक्रमा खातीर म्हायती पुस्तिका, प्रवेश अर्ज आनी प्रवेशाचें वेळापत्रक म्हाविद्यालयाचें वेबसायटी वयल्यान डावनलोड करपा खातीर उपलब्ध आसा.
प्रवेशा खातीर गरजेचीं आशिल्ली किमान पात्रताय अशी आसा, उमेदवारान गोंय माध्यमीक आनी उच्च माध्यमीक शिक्षण मंडळा वरवीं आयोजीत इंग्लीश विशयात धवी वा बारावेची परिक्षा वा ताका समतुल्य आशिल्ले खंयच्याय विद्यापिठांतल्यांन वा संस्थेतल्यांन किमान 45% गुणां सयत पास केल्ली जाय. फकत एससी, एसटी आनी ओबीसी वर्गातल्या उमेदवारां खातीर 40% गूण मेरेन मुभा आसतली.
प्रवेशाच्या वेळार म्हाविद्यालयान घेतिल्ले कला चांचणेंत सगल्या विशयांनी उमेदवारान पास जावप गरजेचें आसा. अदीक म्हायती आनी हेर पात्रताय अटीं खातीर, उमेदवारांनी म्हाविद्यालयाचे वेबसायटीचेर आशिल्ली म्हायती पुस्तिका पळोवपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
