भांगरभूंय | प्रतिनिधी
नवी दिल्ली, खबरां संस्था ः अस्तंत आशियांत चालू आशिल्ल्या झुजाचो देशांतल्या पेट्रोल आनी डिझेलाच्या दरांचेर थेट परिणाम जावपाक लागला. देशभरांत आयच्यान पेट्रोल आनी डिझेलाचे दर वाडल्यात. सामान्य मनशाचें खिशाक आतां परत एक फावट फटको बसतलो. फाटल्या कांय काळा सावन स्थीर आशिल्ले इंधनाचे दर आतां वाडयल्यात. पेत्रोल आनी डिझेल आतां 3 रुपयांनी वाडलें. हे नवे दर आयज 15 मे सावन लागू जातले.
आंतरराष्ट्रीय बाजारांतल्या घडामोडींक लागून देशांत इंधनाचे दर वाडल्यात. डिझेलाचे दर वाडिल्ल्याचो परिणाम खाजगी वाहन चालकांचेर जातलोच, तेच बरोबर म्हाल येरादारी मळारुय व्हड परिणाम जावपाची शक्यताय आसा. तशेंच गरजेच्या वस्तूंचे दर वाडपाची खर शक्यताय आसा.
आंतरराष्ट्रीय बाजारांतल्यो घडामोडीं आनी कच्चा तेलाच्या दरांतलो बदल हांचो परिणाम भारतीय इंधन दराचेर जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
