भांगरभूंय | प्रतिनिधी
पणजीः कोंकणी भाशा मंडळाचे वावुरपी समितीचो आदलो वांगडी तन्मय प्रभूदेसाय (36), हांकां काल (बिरेस्तारा) अचकीत मरण आयिल्ल्यान कोंकणी भाशा मंडळांन दुख्ख उक्तायलां. तन्मय हो रिवण गांवचो आनी कोंकणी भाशा मंडळाचो सांगें म्हाल प्रतिनिधी म्हूण तांणी वावर केला. कोंकणी भाशा मंडळाची शणै गोंयबाब कथामाळ सर्त, गोवा युवा महोत्सव हांच्या आयोजनांत सक्रीय वांटो आसतालो. कोंकणी भाशा मंडळान एक तरणाटो युवा कार्यकर्तो आयज व्हगडायलो अशा उतरांनी कोंकणी भाशा मंडळान तांकां आर्गां ओंपल्यांत.
तन्मय रिवणच्या उत्कर्ष हायस्कुलांत कर्मचारी आशिल्लो. तशेंच रिवणच्या साबार सांस्कृतीक आनी समाजीक मळार वावुरतालो. तन्मयाचें अशा अचकीत मरणान सगल्यांक दुख्ख जालां. ताच्या घरच्यांक दुख्ख सोंसपाक बळगें मेळूं अशी आर्गां भाशा मंडळान ओंपल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
