भांगरभूंय | प्रतिनिधी
पणजी: गोंयच्या हवाई येरादारी क्षेत्रांत मुखेल कंपनी आशिल्ली इंडिगो एअरलायन्सान देशाच्या नेटवर्कांत व्हड बदल केल्यात. ह्या नव्या बदलां प्रमाण, जून २०२६ सावन गोंयचो दाबोळी आनी मनोहर आंतरराष्ट्रीय विमानतळ (मोपा) ह्या दोनूय सुवातांच्या विमान फेर्यांनी कपात करचो निर्णय कंपनीन घेतला. ह्या निर्णयाक लागून पर्यटना खातीर म्हत्वाची आशिल्ली गोंयची कनेक्टिव्हिटी कांय प्रमाणांत उणी जावपाची शक्यताय निर्माण जाल्या.
सुदारिल्ल्या वेळापत्रका प्रमाण, बंगळुरू, चेन्नय आनी हैदराबाद अश्या मुखेल शारांनी गोंयां कडेन जोडपी विमान फेर्यांचो आंकडो देंवयला. तशेंच, कोलकाता ते मोपा विमान सेवा इंडिगोन बंद केल्या. आपल्या मार्गांचें योग्य नियोजन आनी कार्यात्मक कार्यक्षमता वाडोवपा खातीर हे बदल केल्ल्याचें कंपनीन सांगलां. जरी इंडिगोन फेर्यो उण्यो केल्यो तरी आजूय ही कंपनी गोंयची सगल्यांत व्हड विमान येरादारी सेवा पुरवण करपी कंपनी म्हणून तिगोवन आसा. मात, हे कंपनीचो परिणाम विमान तिकीट दरांचेर आनी प्रवाशांच्या सुविधांचेर जातलो हें मात खरें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
