भांगरभूंय | प्रतिनिधी
कोलकाता: भाजप सरकारान अस्तंत बंगालांत गायो कापपाचेर बंदी घाल्या. मुख्यमंत्री सुवेंदु हांणी १९५० च्या बंगाल कायद्याचो आनी २०१८ च्या कलकत्ता उच्च न्यायालयाच्या आदेशाचो हवालो दिवन एक नोटीस जारी केली. तातूंत अशें म्हणलां, ’फिटनेस सर्टिफिकेटी’ बगर खंयच्याच जनावराक- म्हशीक मारपाक बंदी आसा. ते भायर भौशीक कत्तलखान्यांचेरूय बंदी घाल्या. फकत नगरपालिका कत्तलखान्यांत वा थळाव्या प्रशासनान थारायिल्ल्या कत्तलखान्यांतूच जनावरांची कत्तल जातली अशें सरकारान सांगलां.
बंगाल सरकारान सांगलें, फिटनेस सर्टिफिकेट फकत नगराध्यक्ष, पंचायत समितीचे मुखेली आनी एक सरकारी पशुवैद्य वांगडा मेळून जारी करतले.
हें प्रमाणपत्र तेन्नाच जारी करतले जेन्ना प्राधिकरण हें जनावर १४ वर्सां परस चड पिरायेचें, प्रजननाक योग्य ना आनी जाण्टें जालां, जखमी जावन अपंग जालां वा असाध्य दुयेंसाक लागून अक्षम जालां, अशें मान्य करतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
