भांगरभूंय | प्रतिनिधी
नवी दिल्ली: राजधानी दिल्लींत एके खासगी बसींत एके बायलेचेर सामुहीक बलात्कार जाल्ल्याचें प्रकरण मुखार आयलां. पुलिसांचे म्हायती प्रमाण ही घडणूक १२ मेक घडिल्ली. बायलेची कागाळ मेळ्ळे उपरांत पुलिसांनी कारवाय करून गुन्यांव दाखल केला. सध्या हे विशीं तपास चालू आसा. ह्या प्रकरणांत बसीचो ड्रायव्हर आनी कंडक्टराक अटक केल्या.
पुलीस अधिकार्यांनी दिल्ले म्हायती प्रमाण, पिडेस्त बायल लग्न जाल्या आनी तिका तिगां भुरगीं आसात. कागाळ मेळ्ळे उपरांत बायलेची वैजकी तपासणी केली. वैजकी प्रक्रिया पुराय जाले उपरांत पुलिसांनी एफआयआर नोंद केली. उपरांत दोगांय आरोपींक ताब्यांत घेऊन तांची चवकशी केली आनी उपरांत तांकां अटक केली. सध्या ती बस पुलिसांनी ताब्यांत घेतल्या.
बसीच्या भितर गरजेचे नमुने घेतल्यात. तांत्रीक पंगड पुरायेन तपासणी करता. तशेंच बस आनी रस्त्यावेल्यो सिसीटीव्ही फुटेजीय तपासतात. हे विशीं पुलीस खोलायेन तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
