भांगरभूंय | प्रतिनिधी
बरोवन दवरली सुसायड नोट
मडगाव : नीट युजी २०२६ ची परिक्षा रद्द केली. उपरांत ही परिक्षा दिल्ल्या सध्या नेसाय कुडतर्यां रावपी मूळ बंगळुरूच्या १७ वर्सां पिरायेच्या विद्यार्थ्यान आत्महत्या केली. ह्यानफुडें आपल्याक सर्तीचे परिक्षेक बसपाचें ना, अशें चिटयेंत बरोवन दवरलें आनी आपलो जीव गोळ घेवन सोपयलो.
हे विशीं मेळिल्ले चड म्हायती प्रमाण, हो भुरगो मडगांव वाठारांतल्या एका उच्च माध्यमीक विद्यालयांत शिक्षण घेतालो. नीट युजीची परीक्षा पेपरफुटीच्या प्रकरणा उपरांत रद्द केल्ल्याचें समजले उपरांत परत परिक्षेक बसपाचें ना, अशी चीट बरोवन तांणी गोळ लावन घेतलो. तांणी बरयिल्ली चीट घडणुके सुवातेर मेळ्ळी. पुलिसांनी हे विशीं तपास सुरू आशिल्ल्याची म्हायती दिली.
मरण आयिल्ल्या विद्यार्थ्याचो बापूय रेल्वेंत गार्ड म्हणून कामाक आसा. जाल्यार आवय आनी भयण मूळ गांवांत गेल्यांत. घरांत कोणूच नासतना तांणी हे खर पावल उबारलें. ताचो बापूय घरा आयले उपरांत ही घडणूक मुखार आयली. मायणा, कुडतरी पुलिसांनी हें असैमीक मरण म्हणून नोंद केलां. ताची कूड पोस्टमार्टमा खातीर दक्षीण गोंय जिल्लो हॉस्पिटलाच्या मोर्गांत दवरल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
