भांगरभूंय | प्रतिनिधी
वास्को : चिखली-दाबोळेच्या विमानतळ मार्गार वेगान वचपी वाहन अचकीत उमथल्ल्याची घडणूक घडली. ह्या अपघातांत वाहनाचें व्हड लुकसाण जालें. मात चालकाक कांयच जावंक ना. तो वाटवलो.
हे विशीं मेळिल्ले म्हायती प्रमाण, रस्त्यार कांय तरणाटे धोको निर्माण करपी स्टंट केल्ल्यान चालक तांकां वाटोवपाचो यत्न करतालो. हातूंत ताचें गाडयेवेलें नियंत्रण सुटलें. बोलेरोवेल्यान ताबो सुटिल्ल्यान ती रस्त्यार उमथली. ह्या अपघाता उपरांत वाठारांत गाडयांची कोयंडी निर्माण जाल्ली.
थळाव्यांनी रोखडीच घडणुके सुवातेर धांव घेवन मजत केली. ह्या अपघातांत कोणाकूच कांय जावंक ना. पुलिसांनी घडणुके सुवातेर वचून पंचनामो केलो. पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
