भांगरभूंय | प्रतिनिधी
वट्ट २३ लाख विद्यार्थ्यांनी दिल्ली परीक्षा
नवी दिल्ली: राष्ट्रीय चाचणी संस्थेन (NTA) ३ मेक जावपी नीट २०२६ परीक्षा रद्द केल्या. परिक्षेच्या नव्यो तारखो बेगीनूच जाहीर करतले. केंद्र सरकाराचे मान्यते प्रमाण ही परीक्षा रद्द केल्ल्याचें NTAन म्हणलां.
भारत सरकारान असो निर्णय घेतला, हांगा केल्ल्या आरोपांची खोलायेन चवकशी करपा खातीर ह्या प्रकरणाची तपासणी केंद्रीय अन्वेशण ब्युरो (CBI) वरवीं करची. एनटीए (NTA) ब्युरोक पुरायेन सहकार्य करतले आनी तपासणे खातीर गरजेचें आशिल्लें सगलें सामान, नोंदी आनी मजत करतले.
एनटीएन सांगलें, नीट (यूजी) २०२६ परीक्षेविशीं १० मे २०२६ तारखेर एक प्रसिद्धीपत्रक जारी केल्लें. आतां हे संस्थेन विद्यार्थी, पालक आनी जनतेक कांय नव्या निर्णयांविशीं म्हायती दिल्या.
एनटीएन सांगलें, परीक्षेची निश्पक्षता आनी सुरक्षा सुनिश्चीत करची, हे खातीर ह्या प्रकरणा कडेन संबंदीत कांय तपास ८ मे २०२६ तारखेर केंद्रीय यंत्रणांकडेन दिल्लें.
आतां, तपास यंत्रणांकडल्यान मेळिल्ले म्हायती आनी शासकीय मंजुरीच्या आधारार, एनटीएन ३ मे २०२६ दिसा जाल्ली नीट (यूजी) परीक्षा रद्द करून तिचें पुनर्नियोजन करपाचो निर्णय घेतला. परिक्षेच्यो नव्यो तारखो उपरांत जाहीर केल्यो.
तपास यंत्रणांच्या निश्कर्शा प्रमाण, सध्याची तपास प्रक्रिया मुखार चालू दवरपाक मेळची ना, अशें निश्चीत जालां. हाका लागून, पारदर्शकता राखपा खातीर, तपास परत घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
