भांगरभूंय | प्रतिनिधी
पणजी : पोरणें गोंयच्या कदंब बायपासाचेर सोमारा दनपरां भिरांकूळ स्वयंअपघात जालो. एका वोल्ताचेर चालकाचें गाडयेवेलें नियंत्रण सुटिल्ल्यान गाडी डिवायडरावेल्या लायटीच्या खांब्याक आदळ्ळी. ह्या अपघातांत कुळेंचे चालक शिवम कोलवेकार (२७) हो गंभीर जखमी जालो. अपघाता उपरांत तो गाडयेंतूच आडकून उरलो.
हे घडणुकेची म्हायती मेळटांच आपत्कालीन पंगडान थंय येवन चालकाक गाडयेंतल्यान भायर काडलो. शिवमाचेर सध्या गोमेकॉंत उपचार सुरू आसा. ह्या अपघातांत ताचे गाडयेचें बरेंच लुकसाण जालें. पुलीस हे विशीं फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
