भांगरभूंय | प्रतिनिधी
म्हापशें: शाराच्या अलंकार थिएटर वाठारांत आशिल्ल्या हजारे फास्टफूडाचेर चार जाणांनी अचकीत हल्लो केल्ल्याची धपको दिवपी घडणूक मध्यान रातीं घडली. ह्या हल्ल्यांत राहुल हळदणकार (29, अन्साभाट) गंभीर जखमी जालो. ताचेर उपचार चलतात.
मेळिल्ले म्हायती प्रमाण, मध्यान रातीं 12.30 वरांचे सुमाराक चार दुबावीत फास्ट फूडांत भितर सरले आनी वाद घालपाक लागले आनी मारबडय केली. ह्या हल्ल्यांत राहुलाक मार लागलो आनी तो गंभीर जखमी जालो.
घडणुके उपरांत जखमी राहुलाक रोखडोच उपचारा खातीर हॉस्पिटलांत व्हेलो. मजगतीं, ह्या प्रकरणांत गोंय पुलीस गुन्यांव नोंद करपाक कळाव करता असो आरोप थळावे करतात. हाका लागून नागरिकांनी तिडक उक्तायल्या आनी आरोपीं आड बेगोबेग कारवाय करपाची मागणी करतात. म्हापशें पुलीस घडणुकेचो फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
