भांगरभूंय | प्रतिनिधी
झुज सोपले उपरांत प्रस्न सुटावो जातलो
पणजी : आखाती झुझाक लागून हॉटेलांक लागपी वेवसायीक सिलींडराचो उणाव आसा. हाचो पर्यटनाक फटको बसला. हाका गोंय वा केंद्र सरकार कितेंच करपाक शकाना. झुझ सोंपलें काय स्थिती सामान्य जातली आनी सिलींडराचो प्रस्न सुटावो जातलो, अशें गोंय पर्यटन उदरगत म्हामंडळाचे अध्यक्ष केदार नायक हांणी म्हणलां.
आखाती झुझाक लागून बर्योच समस्या निर्माण जाल्यात. सिलींडराच्या उणावाची एक समस्या आसा. ही समस्या गोंयां पुरती मर्यादीत ना. गोंयां सयत हेर राज्यां तशेंच हेर देशांनी ही समस्या आसा. सध्या तरी हाचेर उपाय ना. झुझ सोंपल्या उपरांत स्थिती सामान्य जातली. हॉटेलांनी सिलींडराचो उणाव आसलो तरी कांय प्रमाणांत आतां सिलींडर उपलब्ध जावपाक लागल्यात. सिलींडराच्या उणावा खातीर सरकाराक दोश दिवपाक फावना, अशें जीटीडीसीचे अध्यक्ष केदार नायक हांणी सांगलें.
हॉटेलांक आजूनूय पयली भशेन सिलींडर मेळनात. हाका लागून कांय हॉटेलांनी मेनूंचो आंकडो मर्यादीत दवरला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
