भांगरभूंय | प्रतिनिधी
फोंडें: हिंदु जनजागृती समिती वतीन बांदोडच्या भाऊसायब बांदोडकार मैदानार ९ ते १५ मे ह्या काळांत सकाळीं ६.३० ते ८.३० आनी सांजेवेळार ६ ते ८ ह्या वेळार तरणाट्यां खातीर शौर्य प्रशिक्षण शिबिराचें आयोजन केलां.
तरणाट्यां मदीं स्वसंरक्षणाची भावना आनी धैर्य विकसीत करप आनी तांकां शरिरीक नदरेन घटमूट करप ह्या हेतान ‘हर घर योद्धा’ ह्या विशेश अभियानाच्या खाला ह्या शिबिराचें आयोजन केलां. हें शिबीर १५ वर्सां पिरायेच्या तरणाट्यां खातीर आसा आनी तें मुफत आसतलें.
शिबिरार्थीं तांचे सुविधे प्रमाण खंयच्याय वेळाची निवड करची. शिबिरांत लाठी युद्ध, दंडसाखळी आनी ‘मिक्स मार्शल आर्ट’ अश्या स्वसंरक्षण प्रशिक्षणाची कुशळटाय शिकयतले. इत्सुकांनी https://forms.gle/woS5TdgQmbpMQ7vf8 ह्या गूगल फॉर्मा वरवीं नोंदणी करप गरजेचें. हे विशीं चड म्हायती खातीर ९३२६१०३२७८ ह्या नंबराचेर संपर्क करपाचो उलो समितीन मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
