भांगरभूंय | प्रतिनिधी
म्हापशें : मरड, म्हापशेंच्या कॉसमॉस सेंटर इमारतींतलीं तीन कार्यालयां चोरांंनी फोडलीं. हातूंत कार्यालयांतल्यान १५ हजार रूपया आनी मोलादीक सामान चोरलें.
बुधवार, ६ तारखेक ही चोरयेची घडणूक उक्तडार आयली. जाल्यार दनपरां म्हापशें पुलिसांक हे विशींची म्हायती दिली. विकेश हसोटीकर आनी प्रवीण शेट हांच्या मालकीच्या कार्यालयांनी ही चोरी जाली. हातूंत हसोटीकर हांचीं दोन कार्यालयां, जाल्यार शेट हांच्या एका कार्यालयाचो आसपाव आसा.
अनवळखी चोरांनी इमारतीच्या जनेलाची खिळी आनी दाराचें कुलूप मोडून भितर प्रवेश केलो. सकाळीं आपल्या कार्यालयांनी वयले फिर्यादी आयले तेन्ना हो चोरयेचो प्रकार उक्तडार आयलो. चोरांनी कार्यालयांतलें सामान विस्कळीत अवस्थेंत उडयिल्लें. हसोटीकर हांच्या कार्यालयांतले १५ हजार रूपया, तशेंच तिनूय कार्यालयांतलें मोलादीक सामानूय चोरांनी चोरलें.
हे घडणुकेची म्हायती मेळटांच म्हापशें पुलिसांनी घडणुके सुवातेर वचून पंचनामो केलो. पुलीस सीसीटीव्ही फुटेजीच्या आधारार ह्या प्रकरणाचो तपास केल्ल्यान हे चोरयेक लागून कॉसमॉस सेंटर इमारत तशेंच शारांतल्या वेपारी वर्गांत चिंतेचे वातावरण निर्माण जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
