भांगरभूंय | प्रतिनिधी
पणजी: नॅशनल टेस्टिंग एजन्सीन आयोजीत केल्ली संगणक आदारीत नॅट- NET आनी सावित्रीबाई फुले पुणे विद्यापिठान आयोजीत केल्ली सॅट-SET परिक्षा दिवपाक इत्सूक आशिल्ल्या उमेदवारां खातीर उच्च शिक्षण संचालनालया वतीन मार्गदर्शन कार्यक्रम आयोजीत करतले.
नॅट/सॅट मार्गदर्शन सत्रांचो लाव घेवपाक इत्सूक आशिल्ल्या उमेदवारांनी https://forms.gle/ewyYUGiQLNXyzbWD6 चेर गुगल फॉर्मांतल्यान आपली म्हायती भरून नोंदणी करची. गुगल फॉर्मांतल्यान आपली पुराय म्हायती सुपूर्द करपाची निमणी तारीख १५ मे २०२६ आसा.
सर्वसामान्य/ओबीसी उमेदवारां खातीर १०००/- रूपया, एससी/एसटी/पीएच उमेदवारां खातीर ५००/- रूपया, विद्यार्थ्यां खातीर २५०/- रूपया, एससी/एसटी/पीएच विद्यार्थ्यां खातीर १५०/- रूपया नोंदणी शुल्क आसा, नोंदणी शुल्क रोख भरपाक जाय. कार्डा खातीर दोन फोटो दिवपाक जाय. जाल्यार ह्या पयली नोंदणी केल्ल्या आनी मार्गदर्शन सत्राक हजर राविल्ल्यांक गुगल फॉर्म भरपाची गरज ना. तांणी सरळ मार्गदर्शन सत्रांक हाजीर रावन आपलें कार्ड नुतनीकरण करून घेवचे.
अर्ज, जातीचो दाखलो, विद्यार्थ्याचे वळखपत्र, नोंदणी शुल्क भरिल्ल्याची पावती आनी हेर म्हायती तपासल्या उपरांत १८ ते २२ मे २०२६ मेरेन उच्च शिक्षण संचालनालय, सांख्यिकी विभाग, दुसरो माळो, एस७-ए एसीईआरटी इमारत, पर्वरी हांगा नोंदणी कार्ड जारी करतले. मार्गदर्शन सत्रां विशीं वेळापत्रक नोंदणी कार्ड जारी करपा वेळार दितले.
चड म्हायती खातीर प्रदिप ए. मराठे-मो. ९४२०६८७२२० वा सारिका पाळणी-मो. ९८२३५२२२१ हांचे कडेन संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
