भांगरभूंय | प्रतिनिधी
पणजी : थिये आयज घडिल्ले घरफोडीचे घडणुकेक लागून थळाव्यांमदीं भंयाचें वातावरण निर्माण जालां. ह्या घरांत रावपी कुटूंब गोंयां भायर आशिल्ल्यान चोरांनी नेमको कितलो माल झारायला हाची म्हायती मेळूंक ना. पुलिसांनी सीसीटीव्ही फुटेजी वरवीं तपास सुरू केला.
हे विशीं मेळिल्ले म्हायती प्रमाण, ऑच्धीत वाड्यावेल्या ‘आयडा व्हिला’ (घर नंबर १०८) त चार अनवळखी घरांत भितर सरिल्ल्याचें सीसीटीव्हींत (उउढत) दिसून आयलां. ह्या वेळार घरांतलें कुटूंब पुण्याक आशिल्ल्यान घरांत कोण नाशिल्ले.
हे विशीं घर धनयान शेजार्यांक म्हायती दिले उपरांत तांकां मुखेल दार उक्तें आशिल्ल्याचें दिसलें. तशेंच घरांतल्यो आल्मारी उक्त्यो आशिल्ल्यो आनी सामानूय सगल्याक पातळिल्लें. हाका लागून चोरी जाल्ल्याची शक्यताय उक्तायल्या.
हे विशीं गंभीर दखल घेवन पुलिसांनी सीसीटीव्ही फुटेजीची पळोवणी करून तपास सुरू केला. हे घडणुकेक लागून ह्या वाठारांतल्या नागरिकां मदीं सुरक्षिततायेची चिंता वाडल्या. पुलिसांनी गस्त वाडोवची आनी सुरक्षिततायेचे उपाय खर करचे, अशी मागणी थळावे करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
