भांगरभूंय | प्रतिनिधी
सेबी वाझान धर्मीक भावना दुखयिल्ल्याचो दावो : घरच्यांचेर कारवायेची मागणी
वास्को : गोंयांत धर्मीक भावना दुखोवपी व्हिडियो, वक्तव्यां वादग्रस्त थारपाक लागल्यांत. हातुंतल्यान व्हडा प्रमाणांत लोकां मदीं असंतोष निर्माण जावपाक लागला. व्हिडियो वरवीं सेबी वाझ हाणें धर्मीक भावना दुखयिल्ल्याचो दावो करून, सोमारा मुरगांवच्या बऱ्याच नागरिकांनी वास्को पुलीस स्टेशनाचेर मोर्चो व्हेलो. पुलिसांनी सेबी आड कागाळ नोंद केली.
सेबीन सोशल मिडियाचेर घाल्ल्या व्हिडीयोंतल्यान धर्मीक भावाना दुखवल्ल्यात, ताचेर कारवाय करपाची मागणी थंय जमिल्ल्या नागरिकांनी लावन धरली. पुलिसांनी ताका बेगोबेग अटक करून कारवाय करची. नाजाल्यार ओगी रावचे नात, अशी शिटकावणी लोकांनी दिली. सेबी वास फरारी आसा. ताच्या घरच्यांचेर खर कारवाय करची आनी ताचे आड ‘लूक आवट’ नोटीस जारी करची, अशी मागणीय नागरिकांनी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
