भांगरभूंय | प्रतिनिधी
रोहित शेट्टीच्या कॉमेडी फ्रँचायझी ‘गोलमाल’च्या पांचव्या भागाचें म्हणल्यार ‘गोलमाल 5’चें शुटींग सुरू जालां. चित्रपटाचो मुख्य अभिनेतो अजय देवगण हाणें सोशल मिडियाचेर चित्रपटाच्या शुटिंगाचो एक नवो व्हिडियो शॅर केला.
उटींत चालू आशिल्ल्या शुटिंगाच्या ह्या व्हिडियोंत चित्रपटाची फामाद 5 सिटर मोटरसायकल लेगीत दिसता. हे खेपे चित्रपटांत अक्षय कुमाराची एण्ट्री जाल्या.
अजय देवगणान 27 एप्रीलाक ताच्या एक्स (ट्विटर) हॅण्डलाचेर एक बिहायंड द सीन (बीटीएस) व्हिडियो शॅर केला. व्हिडियोच्या बँकग्रावंडांत ‘गोलमाल’चो फामाद टायटल ट्रॅक आयकुपाक येता. अजयान कॅप्शनांत बरयलां, हे खेपे व्हड प्रवाशी आसा आनी मनरिजवण जाल्यार ताचे परस व्हड आसतली. उटी शेड्यूल वीथ द बॉयज.
व्हिडियोंत चित्रपटाचे मुखेल कलाकार मजा करतना आनी तांच्या सिग्नेचर पांच सिटर मोटरसायकलीचेर बशिल्ले दिसतात.
दुग्दर्शक रोहित शेट्टी हाणें लेगीत तोच व्हिडियो शॅर करतना फ्रँचायझीच्या 20 वर्सांच्या प्रवासाचो उगडास करून दिला. ताणें बरयलां, फाटल्या 20 वर्सां सावन आमी सकारात्मक उर्जेन फुडें वतात.
हे फ्रॅचायझीचो पयलो चित्रपट 2006 त आयिल्लो.
‘गोलमाल 5’ची सगळ्यांत व्हडली हायलायट अक्षय कुमाराची एण्ट्री आसा. घोशणा व्हिडियोंत अक्षयाचो एक नवो आनी वेगळो लूक पळोवपाक मेळिल्लो. ह्याच संबंदांत अजय देवगणान फकाणां करीत म्हणिल्लें, हो खंयचीच फ्रँचायझी सोडिना.
अक्षय आयिल्ल्यान चित्रपटांतले कॉमेडिचो पांवडो आनीक वाडपाची शक्यताय आसा. चित्रपटांत अर्शद वारसी, तुषार कपूर, संजय मिश्रा, श्रेयस तळपदे, कुणाल खेमू आनी जॉनी लिव्हर हांचे सारके आदले कलाकेर लेगीत तांचे कॉमेडीचें फोण्ण मारतना दिसतले.
‘गोलमाल’ फ्रँचायझीची सुरवात 2006 त ‘गोलमालछ फन अलिनिटेडा’न जाल्ली. ते उपरांत 2008 त ‘गोलमाल रिटर्न्स’, 2010 त ‘गोलमाल 3’ आनी 2017 त ‘गोलमाल अगेन’ प्रदर्शीत जाले. दरेका भागान बॉक्स ऑफिसाचेर उत्कृश्ट कमाई केली. सुमार 9 वर्सां उपरांत आतां ताचो पांचवो भाग येवपाचे वाटेर आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
