भांगरभूंय | प्रतिनिधी
फोंडें: बेतोडचे उद्देगीक वसणुके लागसार खासगी सुवातेचीं बोगस कागदपत्रां तयार करून प्लॉटाची विक्री करपा विशीं जाग्याच्या धनयांक कितेंच खबर ना. मात वापरा बगर पडून आशिल्ल्यो सुवातो उदरगत करपा खातीर विकिल्ल्याचो दावो बेतोडच्या जाग्याच्या धनयांनी आयतारा घेतिल्ले परिशदेंत केलो.
फोंड्यां आयतारा आयोजीत केल्ले पत्रकार परिशदेत मोहन गांवकार, महादेव गांवकार, देविदास गांवकार आनी हेर धनी हाजीर आशिल्ले.
हे विशीं चड म्हायती दितना महादेव गांवकार हांणी एसटी भावांची जागा वापरा बगर पडून आशिल्ली. हाका लागून त्या जाग्याचो वापर करपा खातीर कायद्यान विक्री केली. मात कांय दिसां आदीं कांय थळाव्या लोकांनी पत्रकार परिशद घेवन जाग्याचीं कागदपत्रां बोगस आशिल्ल्याचो आरोप केलो. जाग्याचीं कागदपत्रां कायदेशीर आसात. मात बेकायदेशीर कागदपत्रांचो वापर कशे तरेन केल्ल्याची जाणीव जाग्याच्या धनयांक नाशिल्ल्याचें तांणी सांगलें.
मोहन गांवकार हांणी कांय दिसां आदीं घेतिल्ले पत्रकार परिशदेंत घेतिल्ल्या जाग्याचो मालकी हक्क आशिल्ल्या सगल्यांक रक्कम दिल्या. तरीय तांणी जागेची कागदपत्रां बोगस आशिल्ल्या चुकीचो आरोप केल्ल्याचें सांगलें.
मजगतीं, बेतोडच्या जाग्याच्या प्रस्ना वेल्यान खुबशे सरकारी अधिकारी आडमेळीं येवपाची शक्यताय आसा. ताच्या वांगडा प्लॉट खरेदी केल्ले खुबशे शिक्षीत लोकांचें फुकसाण होण्याची शक्यताय आसा. हाका लागून प्रकरण फुडल्या कांय दिसांनी वेगळ्या वोल्तार वचपाची शक्यताय उक्तायतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
