वाचन संस्कृती सोंपत चल्ल्या; कथेवरवी बऱ्यो गजाली शिकपाक जायः अभय जोग भुंयपाल सत्त्तरींत शणै गोंयबाब कथामाळ उमेदीन

भांगरभूंय | प्रतिनिधी

भांगरभूंय । प्रतिनिधी
सत्तरी : वाचन संस्कृती सोंपत चल्ल्या. सगळें शॉर्टकट जायत आसा. कथा बरे संस्कार जांवचे म्हूण आसतात. कथेवरवी बऱ्यो गजाली शिकपाक जाय, अशें नाट्य दिग्दर्शक अभय जोग हांणी सांगलें. कोंकणी भाशा मंडळाच्या शणै गोंयबाब कथामाळ सर्तीच्या इनामा भेटवण सुवाळ्याचे मुखेल सोयरे म्हूण ते उलयताले.
सर्त भुंयपाल सत्तरींत सरकारी माध्यमीक विद्यालयांत आयोजीत केल्ली. सर्तीची सुरवात शणै गोंयबाबाच्या प्रतिमेक फुलांचो हार घालून जाली. उपरांत स्नेहा सबनीस आनी नमन सावंत हांणी सर्ती विशीं माहिती दिली. भुरग्यांनी वाचन करचें, नव्यो कथा वाचून त्यो हेरांक सांगच्यो होच हे सर्ती फांटलो हेतू आसा अशें तांणी सांगलें. ह्या वेळार हायस्कुलची मुख्याध्यापिका मोनाली नायक आनी सर्तीचे संयोजक काशिनाथ नायक हाजीर आशिल्ले. पयली ते चवथी गटात 9 सर्तक, पांचवी ते सातवी गटात 20 सर्तक जाल्यार आठवी ते धावेच्या गटांत 18 सर्तकानी वांटो घेतिल्लो.
तीन गटांनी जाल्ल्या हे सर्तींत यश मेळिल्ले विद्यार्थी अशे; पयली ते चवथी – पयलो, राम गोपीनाथ गांवस (स. प्रा. वि. घोटली नं. 2 केरी-सत्तरी), दुसरें, श्राव्या रुपेश गांवस (विवेकानंद विद्यामंदिर, केरी), तिसरें, अंबिका प्रभाकर गांवस (सरकारी प्राथमीक विद्यालय घोटली नं २), पयलें उमेद वाडोवपी, शृष्टी महादेव गांवकार (ज्ञानसागर विद्यामंदिर धावे – तार) आनी दुसरें उमेद वाडोवपी, साईराज कृ. गांवस (युनिटी प्राथमीक शाळा, वाळपय).
पांचवी ते सातवी – पयलें, अग्निका अशोक शिरोडकार (हनुमान विद्यालय वाळपय), दुसरो, स्वरद बाळकृष्ण मराठे (अवर लेडी ऑफ लुडर्स हायस्कुल वाळपय), तिसरें, लिंदीशा द. पिळयेकार (सरकारी माध्यमीक विद्यालय अडवय), पयलें उमेद वाडोवपी, नव्या देवेंद्र गांवस (हनुमान विद्यालय वाळपय) आनी दुसरें उमेद वाडोवपी, निकिता नारायण गावडे (होंडा हायस्कुल, होंडा).
आठवी ते धावी – पयलो, तन्मय उल्हास नायक (श्रीराम हायस्कुल खडकी), दुसरो, सोहम गजानन वझे (अवर लेडी ऑफ लुडर्स हायस्कुल वाळपय), तिसरो, वैभव सुरेश सावंत (अवर लेडी ऑफ लुडर्स हायस्कुल वाळपय), पयलें उमेद वाडोवपी, शौर्या संजय च्यारी (सरकारी माध्यमीक विद्यालय पिसुर्ले) आनी दुसरें उमेद वाडोवपी विनिशा वि. तिवरेकार (सरकारी माध्यमीक विद्यालय अडवय). मयुरी दशरथ गांवकार, अर्णव ग. गांवस, अथर्व नंदा माजीक, लक्षदीप गणगो परब, निजामुद्दीन खान, सिद्धार्थ सूर्यकांत गांवकार, श्रावणी तुळशीदास गांवकार, संगमी संदीप गावडे, श्रेयश सतीश मोर्लेकार, लवेश द. खांडोळकार, विनायक चिगूळकार, अर्जुन गांवस, चेतन भैरू वरक, जयभागो झोरे, प्रकांक्षा प्रकाश गावडे, हंसिका हरिचंद्र केरकार, राशी शिवाजी वाडेकार, अश्वी शिवानंद च्यारी, किरण नितीन कदम, सनी सूर्यकांत गांवकार, आशीष कांता खोतोडकार, सायली संजू देसाय, गौरी द. गावडे, सुफियान शेख, प्रीती भैरू हुमाणे, सलोनी संदीप गांवकार, साची सगुण गांवस, साईशा सुरेश गांवस, नांगी रामू झोरे, मैथाली नारायण परवार, कनक बांदकार, प्राची गांवकार हांका प्रशस्ती पत्रां दिली.
तिनूय गटांत पयलें आनी दुसरें इनाम फावो जाल्ल्या विद्यार्थ्यांक मडगांव जातल्या जिल्लो आनी राज्य़ पांवड्यार जातल्या सर्तीखातीर निमंत्रण दिलां. सर्तीचें परीक्षण राघोबा लवू पेडणेकार, संजय सालेलकार, विशाल गांवस, महादेव गांवकर, आर्या (शाबरी) आनंद शेट तेली, सागर गांवस, काशिनाथ नायक, अंकिता गांवस, कल्पेश गांवस हांणी केलें.
इनामां भेटवण सुवाळ्याक मुखेल सोयऱ्या वांगडा मुख्याध्यापिका मोनाली नायक, संयोजक काशिनाथ नायक आनी परीक्षक राघोबा पेडणेकार हाजीर आशिल्ले. परीक्षक पेडणेकार हांणी विद्यार्थांक मार्गदर्शन केलें जाल्यार अश्या सर्तींतल्यान विद्यार्थ्यांक उर्बा मेळटा. इनामां मेळूंक नात म्हूण निराश जावंक नाकात अशें मुख्याध्यापिका मोनाली नायक हिणें सर्तकांक सांगलें. पुराय कार्यावळीचें सुत्रसंचालन संजय सालेलकर हांणी केले. नमन सावंत हांणी उपकार मानले.