भांगरभूंय | प्रतिनिधी
वेंचणुकेचे तयारे खातीर भाजपाचे राष्ट्रीय फुडारी येतले गोंयांंत
पणजी : विधानसभा वेंचणुके खातीर संंघटणात्मक वावर आनी कार्यावळी निमतान भारतीय जनता पक्षाचे राष्ट्रीय फुडारी आता गोंंयांंक भेट दितले. ह्या निमतान जावपी बसका आनी सभांंक लागून राजकी वातावरण तापतलें. दिल्लींत वेंचणुकेची तयारी आनी संंघटणात्मक वावराचेर चर्चा जाली. कार्यावळी निमतान केंंद्रीय फुडारी गोंंयांंत येतले, अशी म्हायती मुख्यमंंत्री डॉ. प्रमोद सावंत हांणी दिल्या.
मुख्यमंंत्री डॉ. प्रमोद सावंत आनी प्रदेश भाजप अध्यक्ष दामू नायक हांणी बुदवारा दिल्लीत राष्ट्रीय अध्यक्ष नितीन नबीन हांंची भेट घेतली. संंघटणा घटमूट करपा सयत विधानसभा वेंचणुकेविशीं बसकेंत चर्चा जाली.
दिल्ली भेटीविशीं म्हायती दितना येवपी वेंचणुकेविशीं राष्ट्रीय अध्यक्षांकडेन चर्चा जाल्ल्याची म्हायती मुख्यमंंत्र्यांंनी बिरेस्तारा दिली. गोंय विधानसभेचो कार्यकाळ येत्या मार्चात सोंपात आसलो तरी ते पयलीं अंंदूच वेंचणूक जावपाची चिन्नां आसात. पावसा उपरांत केन्नाय वेंचणुकेची घोशणा जातली, अशी स्थिती आसा. सदचे भशेन वेंचणूक जाहीर जावचे पयलीच भाजपातर्फे बसका तशेच मेळावे जावपाक सुरवात जातली. मेळाव्यावरवीं राष्ट्रीय तशेच थळावे फुडारी वेंचणुकेचो प्रचार सुरू करतले.
शुक्रारा कामगार दिसाच्या सरकारी कार्यावळीत लेगीत मुख्यमंंत्र्यांंनी कामगारांं खातीर पांच येवजण्यो जाहीर केल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
