भांगरभूंय | प्रतिनिधी
पणजी : गृहआधार येवजणे खातीर आतां उत्पन्न तशेंच जिवीत आशिल्ल्याचें प्रमाणपत्र दर वर्सा १ एप्रील ते ३१ मे मेरेन सादर करपाची मेकळीक लावार्थ्यांक आसा. हे विशींची अधिसूचोवणी बायलां आनी भुरगीं उदरगत खात्यान जारी केल्या.
गृह आधार येवजणे वरवीं घरांत रावपी आनी येणावळ नाशिल्ल्या बायलांक म्हयन्याक १५०० रूपयांची अर्थीक मजत दिली वता. हे येवजणे खातीर दर वर्सा उत्पन्न तशेच जिवीत आशिल्ल्याचें प्रमाणपत्र सादर करचें पडटा. येवजणेच्या कलम ५ ए मदी दुरूस्ती करून खात्यान प्रमाणपत्र सादर करपा खातीर चड दिसांची मुजत दिल्या. हाचो सगळ्या लावार्थ्यांक लाव जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
