भांगरभूंय | प्रतिनिधी
पणजी: मये मतदारसंघातल्या कोडाळ-कारापूर गावांतल्या सर्वे नं. १०४/४बी तल्यान ६०० एमएम डीआय पायपलायनीचे ताकतीकेन स्थलांतर करपाचें आशिल्ल्यान ५ आनी ६ मे २०२६ दिसा पुराय दिवचल, साखळे, मयां मतदारसंघांत आनी पर्ये मतदारसंघांतल्या कांय वाठारांत मर्यादीत उदका पुरवण जातली, अशें उदका पुरवण विभागान कळयलां.
साळावले ५ आनी ६ मेक उदका पुरवण बंद
१६० एमएलडी साळावली उदका प्रकल्पाच्या १२०० एमएम पीएससी पायपलायनीचे ताकतीकेन दुरूस्ती काम करपाचें आशिल्ल्यान ताऱीख ५ आनी ६ मे दिसा केपें, कुंकळ्ळी, कुडतरी, मडगांव, दक्षीण गोंय दर्यादेग वाठार, फातोर्डा, नुवें, कुठ्ठाळे, दाबोळे, वास्को आनी मुरगांव मतदारसंघांत उदका पुरवण जावची ना. जाल्यार ७ मे दिसा मर्यादीत प्रमाणांत उदका पुरवण जातली. १०० एमएलडी साळावली उदका प्रक्रिया प्रकल्प सदचेवरी चालू आसतलो. गिरायकांनी ह्या गैरसोयिची नोंद घेवची, अशें पिवपा उदका पुरवण विभागान कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
