भांगरभूंय | प्रतिनिधी
पणजी : येवपी विधानसभा वेंचणुकेचे फाटभूंयेर कार्यावळी नेटान करून संघटन घटमूट करात असो सल्लो भाजपाचे राष्ट्रीय अध्यक्ष नितीन नबीन हांणी प्रदेश अध्यक्ष दामू नायक आनी हेर फुडार्यांक दिला. मुख्यमंत्री डॉ. प्रमोद सावंत आनी प्रदेश भाजप अध्यक्ष दामू नायक हांणी बिरेस्तारा दिल्लीक राष्ट्रीय अध्यक्ष नितीन नबीन हांची भेट घेतली. भेटी उपरान प्रदेश भाजप अध्यक्ष दामू नायक हांणी ही म्हायती दिली.
संघटन घटमूट करपा सयत संघटणात्मक कार्याविशीं आमची चर्चा जाली. मुख्यमंत्री डॉ. प्रमोद सावंत तशेच मझेकडल्यान तांणी पक्षकार्याविशी म्हायती जाणून घेतली, अशें दामू नायक हांणी सांगलें. मंत्रिपदाविशीं मात तांणी उलोवपाक न्हयकार दिलो.
संघटणा घटमूट करपा सयत कार्यकर्त्यांकडलो संपर्क वाडोवपाविशी चर्चा जाल्याची म्हायती डॉ. सावंत हांणी व्टिट करून दिल्या.
फोंडें पोटवेंचणूक रद्द जाले उपरांत तांची ही राष्ट्रीय अध्यक्षांकडेन जाल्ली पयलीच भेट
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
