भांगरभूंय | प्रतिनिधी
म्हापशें: बार्देशांतल्या मॉंते गिरी वाठारां एक दुर्दैवी घडणूक घडली. हांगा हॉकी खेळटना एके १४ वर्सां पिरायेचे चलयेक मरण आयलें. रुईशा खर्सेल अशें तिचें नांव.
हे विशीं मेळिल्ले म्हायती प्रमाण, रुईशा सेंट अँथनी माध्यमीक शाळेच्या मैदानार आपले इश्टीणी सयत हॉकी प्रॅक्टीस करतालें. तेन्ना अचकीत बॉल आयलो आनी ताचे तकलेर बसलो. हातूंत तें गंभीर जखमी जालें. उपरांत ताका बेगोबेग उपचारा खातीर म्हापशेंच्या उत्तर गोंय जिल्लो हॉस्पिटलांत दाखल केलें. मात उपचारा मजगतीं ताका मरण आयलें.
हे घडणुकेक लागून ह्या वाठारांत बरोच बोवाळ जाला. शाळा आनी थळाव्यां मदीं दुख्ख पातळ्ळां. उमेदी आनी गुणी खेळगडें म्हणून रुईशाक सगले वळखताले.
मजगतीं, खेळटना प्रॅक्टीसे वेळार गरजेचीं उपकरणां, उपाय येवजण चालीक लावपाची गरज आधोरेखीत जाल्या. ह्या प्रकरणांत साळगांव पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
