भांगरभूंय | प्रतिनिधी
पणजी: भौशीक बांदकाम खात्यांत काम करपी सहाय्यक अभियंती रश्मी मयेंकार हांणी मुदतवाड सोंपचे पयलींच आपल्या पदाचो राजिनामो दिल्ल्यान खात्यांत चर्चा रंगल्या. वैयक्तीक कारणाक लागून राजिनामो दिवपाचो निर्णय घेतला अशें तांणी म्हणलां. काल तांणी राजिनामोपत्र प्रधान मुखेल अभियंत्याक भेटयलें.
रश्मी मयेंकार फाटल्या कांय म्हयन्यां सावन चर्चेंत आशिल्ल्यो. डिसेंबर म्हयन्यांत तांकां सेवेंत एका वर्साची मुजतवाड मेळिल्ली. ही मुजतवाड मेळ्ळे उपरांत तांणी आपलें श्रद्धास्थान आशिल्ले देव बोडगेश्वर हांच्या पांयां कडेन भांगराचो हार अर्पण करून आंगवण पावयिल्ली. ही बातमी सोशल मिडियाचेर व्हायरल जाल्ल्यान तेन्ना बरीच चर्चा जाल्ली. मात ही मुजतवाड पुराय जावचे पयलींच मयेंकार हांणी काल राजिनामो सादर केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
