भांगरभूंय | प्रतिनिधी
आस्वासन पुराय केल्ल्यान मुख्यमंत्र्यांनी मानले उपकार
पणजी : गोंय सरकारान मागणी केल्या प्रमाण केंद्र सरकारान बंगळूरू – मडगाव मार्गाचेर वंदे भारत रेल्वेक मान्यताय दिल्या. ह्या रेल्वेक लागून पर्यटनासयत राज्याच्या अर्थ वेवस्थेक उर्बा मेळटली, अशें मुख्यमंत्री डॉ. प्रमोद सावंत हाणी म्हणला. आस्वासना प्रमाण वंदे भारत रेल्वेक मान्यताय दिल्यान ताणी प्रधानमंत्री नरेंद्र मोदी आनी केंद्र सरकारचे आभार मानल्या.
केंद्रीय अर्थसंकल्पा पयली गोंय सरकारान विविध मागण्यासंबंधी केंद्राक निवेदन सादर केल्ले. हातूत गोंया खातीर वंदे भारत रेल्वेचो आस्पाव आशिल्लो. गोंय सरकारची ही मागणी पुराय जाल्या. आयटी तशेच हेर उद्देगांत गोंयचे बरेच तरणाटे कामाक आसा. शिक्षणा खातीर लेगीत बरेच तरणाटे बंगळूरू आसा. ह्या सगळ्यांक या रेल्वेचो लाव जातलो. डॉ. सावंत हाणी म्हणला.
वंदे भारत रेल्वेक लागून प्रवासाची वेळ सरासरी 45 टक्के उणो जाता. म्हत्वाच्या शारांक जोडपी आता मेरेन 162 वंदे भारत रेल्वे सुरू जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
